പൗരത്വ നിയമത്തിനെതിരെയുള്ള പ്രക്ഷോഭത്തിന്റെ പശ്ചാത്തലത്തില് അസമിലേക്കുള്ള യാത്ര ഒഴിവാക്കണമെന്ന് പൗരന്മാര്ക്ക് മുന്നപ്പ് നല്കി ലോകരാഷ്ട്രങ്ങള്. അമേരിക്ക, ബ്രിട്ടന്, ഫ്രാന്സ്, ഇസ്രായേല് തുടങ്ങിയ രാജ്യങ്ങളാണ് തങ്ങളുടെ പൗരന്മാര്ക്ക് മുന്നറിയിപ്പ് നല്കിയിരിക്കുന്നത്.
പൗരത്വ നിയമ ഭേദഗതിക്ക് എതിരെയുള്ള പ്രക്ഷോഭങ്ങള് വടക്ക് കിഴക്കന് സംസ്ഥാനങ്ങളില് തുടരുകയാണ്. ഞായറാഴ്ച സിനിമാ താരങ്ങളും സാമൂഹ്യ പ്രവര്ത്തകരും പ്രതിഷേധ പരിപാടികളും സംഘടിപ്പിക്കും. തിങ്കളാഴ്ച വീണ്ടും സെക്രട്ടേറിയറ്റ് മാര്ച്ച് നടത്താനും ഓള് ഇന്ത്യാ സ്റ്റുഡന്റ്സ് യൂണിയന് തീരുമാനിച്ചിട്ടുണ്ട്.
അതേസമയം ക്രമസമാധാന പ്രശ്നങ്ങള് നേരിടാന് അര്ധ സൈനിക വിഭാഗങ്ങള്ക്ക് പുറമെ കരസേനയേയും വിന്യസിച്ചിട്ടുണ്ട്. കഴിഞ്ഞ നാല് ദിവസമായി ബന്ദിന് സമാനമായ പ്രതീതിയായിരുന്നു അസമില്. ഇന്നു വൈകീട്ടോടെ ഇന്റര്നെറ്റ് നിയന്ത്രണങ്ങള് പിന്വലിച്ചേക്കുമെന്നാണ് സൂചന.