കേരളത്തില് നിപ്പാ വൈറസിനെതിരെ വീണ്ടും ജാഗ്രതാ നിര്ദേശം. ജനുവരി മുതല് ജൂണ് മാസം വരെയാണ് ജാഗ്രതാ നിര്ദേശം നല്കിയിരിക്കുന്നത്. ആരോഗ്യവിദഗ്ദരുടെ റിപ്പോര്ട്ടിന്റെ അടിസ്ഥാനത്തിലാണ് നടപടി. കഴിഞ്ഞ വര്ഷം ഡിസംബര് മുതല് ജൂണ് വരെയുള്ള കാലഘട്ടത്തിലായിരുന്നു നിപ്പാ പടര്ന്നത്. വൈറസ് ബാധ തടയാനായെങ്കിലുംവീണ്ടും ഈ കാലത്ത് നിപ തിരിച്ചുവരാന് സാധ്യതയുണ്ടെന്ന വിലയിരുത്തലിലാണ് ആരോഗ്യ വകുപ്പിന്റെ മുന്നറിയിപ്പ്.
ജനുവരി മുതല് ജൂണ് വരെയുള്ള സമയങ്ങളില് വവ്വാലടക്കമുള്ള ജീവികള് കടിച്ച പഴവര്ഗങ്ങള് കഴിക്കരുത്. പഴങ്ങള് കഴിക്കുമ്പോള് അത് നന്നായി കഴുകി ഉപോയോഗിക്കുക തുടങ്ങിയ നിര്ദേശങ്ങളും ആരോഗ്യവകുപ്പ് മുന്നോട്ട് വയ്ക്കുന്നുണ്ട്.
മുന്കരുതലുകള് എടുക്കാന് മെഡിക്കല് കോളെജുകള്ക്കും ജില്ലാ ആശുപത്രികള്ക്കും താലൂക്ക് ആശുപത്രികള്ക്കും നിര്ദേശം നല്കിയിട്ടുണ്ട്. രോഗികളുമായി ഇടപെടുമ്പോള് അതീവ ജാഗ്രത പാലിക്കാനും ആശുപത്രികളില് കഫക്കെട്ട്, പനി തുടങ്ങിയ ലക്ഷണങ്ങളുമായി എത്തുന്നവര്ക്ക് മാസ്ക് നല്കാനും പ്രത്യേകം ശ്രദ്ധിക്കാനുമുള്ള നിര്ദേശമാണ് നല്കിയിരിക്കുന്നത്.