ശബരിമലയില് ദര്ശനത്തിനെത്തിയ രണ്ട് യുവതികളെ പോലീസ് ബലം പ്രയോഗിച്ച് തിരിച്ചിറക്കി. കണ്ണൂര് സ്വദേശികളായ രേഷ്മ, ഷാനില എന്നിവരെയാണ് കനത്ത സുരക്ഷയില് പോലീസ് തിരിച്ചിറക്കിയത്. പുലര്ച്ചെ നാലരയോടെ പമ്പയിലെത്തി മലകയറാന് തുടങ്ങിയ യുവതികളെ നീലിമലയില് വച്ച് പ്രതിഷേധക്കാര് തടയുകയായിരുന്നു.
തുടക്കത്തില് കുറച്ച് പ്രതിഷേധക്കാര് മാത്രമായിരുന്നു ഉണ്ടായിരുന്നത്. എന്നാല് പിന്നീട് കൂടുതലാളുകള് എത്തി. തുടര്ന്ന് അസിസ്റ്റന്റ് കമ്മീഷണര് എ.പ്രദീപ് കുമാറെത്തി പ്രതിഷേധക്കാരോട് സംസാരിച്ചെങ്കിലും പിന്മാറാന് ഇവര് തയ്യാറായില്ല. ദര്ശനം നടത്താതെ പിന്മാറില്ലെന്ന നിലപാട് യുവതികളും സ്വീകരിച്ചു.തുടര്ന്ന് മൂന്നരമണിക്കൂറിനു ശേഷം പോലീസ് യുവതികളെ ബലംപ്രയോഗിച്ച് തിരിച്ചിറക്കുകയായിരുന്നു.
മുണ്ടും ഷര്ട്ടും ധരിച്ച്, പെട്ടെന്ന് തിരിച്ചറിയാനാകാത്ത വിധത്തിലാണ് യുവതികള് ദര്ശനത്തിനെത്തിയത്.