പ്രളയക്കെടുതിയുടെ പശ്ചാത്തലത്തില് ഓണത്തിന് തീയേറ്ററുകളില് എത്താനിരുന്ന പതിനൊന്ന് സിനിമകളുടെ റിലീസ് തീയതി മാറ്റി. ബിഗ് ബജറ്റ് ചിത്രമായ കായംകുളം കൊച്ചുണ്ണി, സേതുവിന്റെ മമ്മൂട്ടി ചിത്രം ഒരു കുട്ടനാടന് ബ്ലോഗ് ഉള്പ്പടെ പതിനൊന്ന് സിനിമകളുടെ റിലീസാണ് മാറ്റിയത്. കേരള ഫിലിം ചേമ്പര് ഓഫ് കൊമേഴ്സിന്റെ നേതൃത്വത്തില് നിര്മാതാക്കളുടെയും വിതരണക്കാരുടെയും ഉള്പ്പെടെയുള്ള സംഘടനകള് യോഗം ചേര്ന്നാണ് റിലീസ് മാറ്റിവയ്ക്കാന് തീരുമാനിച്ചത്.
അമല് നീരദിന്റെ ഫഹദ് ഫാസില് ചിത്രം വരത്തന്, ടൊവിനോ തോമസ് നായകനായി എത്തുന്ന തീവണ്ടി, വിനയന് സംവിധാനം ചെയ്യുന്ന ചാലക്കുടിക്കാരന് ചങ്ങാതി, ബിജു മേനോന് നായകനാകുന്ന പടയോട്ടം എന്നിവയാണ് ഓണം റിലീസിനായി അണിയറയില് ഒരുങ്ങിയിരുന്നത്. സെപ്റ്റംബറില് റിലീസ് ചെയ്യാനുളള സിനിമകള്ക്കൊപ്പം ഇവയും ഘട്ടംഘട്ടമായി തിയേറ്ററുകളിലെത്തും