മുഖ്യമന്ത്രി നടത്തിയ ഹെലികോപ്ടര് യാത്രയ്ക്ക് ദുരിതാശ്വാസ ഫണ്ടില്നിന്ന് പണം വകയിരുത്തിയ സംഭവത്തില് സര്ക്കാരിനെതിരെ വിമര്ശനവുമായി സസ്പെന്ഷനിലായ മുന് വിജിലന്സ് ഡയറക്ടര് ഡി.ജി.പി. ജേക്കബ് തോമസ്.
സംസ്ഥാന ദുരന്ത നിവാരണ ഫണ്ടില് നിന്ന് മുഖ്യമന്ത്രിയുടെ ഹെലിക്കോപ്ടര് യാത്രയ്ക്ക് പണം അനുവദിച്ച സംഭവത്തില് റവന്യു മന്ത്രി ഇ ചന്ദ്രശേഖരന് റവന്യു സെക്രട്ടറിയോട് വിശദീകരണം ആവശ്യപ്പെട്ടു. താന് അറിയാതെയാണ് റവന്യു സെക്രട്ടറി പി.എച്ച് കുര്യന് പണം അനുവദിച്ചതെന്ന് ഇ ചന്ദ്രശേഖരന് പറഞ്ഞിരുന്നു.
വി ടി ബല്റാം എം.എല്.എക്ക് നേരെ പാലക്കാട് കൂറ്റനാട് വച്ച് സി.പി.എം പ്രവര്ത്തകരുടെ കൈയേറ്റശ്രമം. ബല്റാമിനുനേരെ കല്ലേറും ചീമുട്ടയേറും ഉണ്ടായി. സ്വകാര്യ ലാബിന്റെ ഉദ്ഘാടനത്തിന് എത്തിയതായിരുന്നു എം എല് എ. ഇതിനിടെ സി പി എം പ്രവര്ത്തകര് സ്ഥലത്തേക്ക് പ്രതിഷേധവുമായി എത്തുകയായിരുന്നു.
എ.കെ.ജി വിവാദത്തില് തന്നെ വിമര്ശിച്ച വി.എസ് അച്യുതാനന്ദന് മറുപടിയുമായി വി.ടി ബല്റാം എം.എല്.എ. എ.കെ.ജി വിഷയത്തെ പശ്ചാത്തലമാക്കി ദേശാഭിമാനി പത്രത്തില് അമൂല് ബേബികള് ആടിത്തിമിര്ക്കുമ്പോള് എന്ന തലക്കെട്ടില് വി.എസ് ലേഖനം എഴുതിയിരുന്നു.
നടി ആക്രമിക്കപ്പെട്ട കേസില് കുറ്റപത്രത്തിലെ വിവരങ്ങള് ചോര്ത്തിയെന്ന ദിലീപിന്റെ ഹര്ജിയില് വിധിപറയുന്നത് ഈ മാസം 17ലേക്ക് മാറ്റി. അങ്കമാലി മജിസ്ട്രേട്ട് കോടതി വിധി പറയുന്നത് മാറ്റിവെച്ചത്. കോടതിയില് എത്തും മുമ്പ് തന്നെ കുറ്റപത്രത്തിലെ വിവരങ്ങള് പുറത്തായത് വിവാദമായിരുന്നു.
മലപ്പുറം വഴിക്കടവില് ബസ്റ്റോപ്പിലേക്ക് ലോറി പാഞ്ഞുകയറി രണ്ട് വിദ്യാര്ത്ഥികള് മരിച്ചു, പത്തിലധികം പേര്ക്ക് പരിക്ക്. മണിമൂളി സി.കെ.എച്ച് എസ്.എസ്സിലെ മൂന്നാം ക്ലാസ് വിദ്യാര്ഥികളായ മുഹമ്മദ് ഷാമില്, ഫിദമോള് എന്നിവരാണ് മരിച്ചത്.വഴിക്കടവിനടുത്തുള്ള മണിമൂഴി ബസ്സ്റ്റോപ്പിന് സമീപം രാവിലെ 9.30 തോടെയാണ് അപകടം ഉണ്ടായത്.
ബോണക്കാട് കുരിശുമലയിലേക്ക് നിയന്ത്രണങ്ങള്ക്ക് വിധേയമായി വിശ്വാസികളെ പ്രവേശിപ്പിക്കുമെന്ന് വനം മന്ത്രി കെ.രാജു. തിരുവനന്തപുരം, നെയ്യാറ്റിന്കര ബിഷപ്പുമാരുമായി നടത്തിയ ചര്ച്ചയ്ക്ക് ശേഷം മാധ്യമപ്രവര്ത്തകരോട് സംസാരിക്കുകയായിരുന്നു അദ്ദേഹം
എ.കെ.ജിയുമായി ബന്ധപ്പെട്ട് വിവാദ പ്രസ്താവന നടത്തിയ വി.ടി ബല്റാമിന് അനുകൂലമായി പോസ്റ്റ് ഇട്ട സിവിക് ചന്ദ്രന്റെ ഫെയ്സ്ബുക്ക് അക്കൗണ്ട് മരവിപ്പിച്ചു.പരാതികളെ തുടര്ന്നാണ് അക്കൗണ്ട് മരവിപ്പിച്ചതെന്നും ജനുവരി 14 വരെ അക്കൗണ്ട് ലഭ്യമാവില്ലെന്ന അറയിപ്പാണ് ഫെയ്സബുക്ക് അധികൃതര് നല്കിയതെന്നും അദ്ദേഹം പറഞ്ഞു.
ശബരിമല തീര്ഥാടകന് കാട്ടാനയുടെ കുത്തേറ്റ് മരിച്ചു, ചെന്നൈ സ്വദേശി നിരോഷ് കുമാറാണ് (30) മരിച്ചത്. കരിമല മുകളില് വെച്ചാണ് ഇയാള്ക്ക് ആനയുടെ കുത്തേല്ക്കുകയായിരുന്നു. ഞായറാഴ്ച രാത്രി ഒമ്പത് മണിയോടെയാണ് സംഭവം.
അനര്ഹമായി ചികിത്സാ ആനുകൂല്യം കൈപ്പറ്റിയെന്ന പരാതിയില് ആരോഗ്യ വകുപ്പ് മന്ത്രി കെ.കെ ശൈലജയ്ക്കെതിരെ വിജിലന്സ് പ്രാഥമിക അന്വേഷണം തുടങ്ങി. ബി.ജെ.പി സംസ്ഥാന ജനറല് സെക്രട്ടറി കെ.സുരേന്ദ്രനാണ് പരാതി നല്കിയത്. ചികിത്സാ റീ ഇമ്പേഴ്സെമെന്റിനായി വ്യാജ കണക്കുകള് നല്കിയെന്നാരോപിച്ചായിരുന്നു പരാതി.