എലത്തൂർ തീവണ്ടി തീവെപ്പ് കേസ് പ്രതിയുമായി ബന്ധപ്പെട്ട് സുരക്ഷാവീഴ്ചയുണ്ടായെന്ന റിപ്പാർട്ട് ചോർന്നതിൻ്റെ പേരിലാണ് വിജയന് സസ്പെൻഷൻ. ആ സംഭവം മൊത്തത്തിൽ സുരക്ഷാ വീഴ്ചയാണെന്നിരിക്കെ എന്താണ് ചോരാനെന്നള്ളത്. കേരളാ പോലീസ് മലയാളിയെ വല്ലാതെ ചിരിപ്പിക്കുന്നുണ്ട്. ശരിയാണ് ഐ.ജി.വിജയന് കേരളാ പോലീസിൽ തുടരാനുള്ള 'യോഗ്യത 'യില്ല.

കഴിഞ്ഞ ഏതാനും വർഷങ്ങളായി ഒട്ടനവധി വെല്ലുവിളികളെയും വേട്ടയാടലുകളേയും സധൈര്യം നേരിട്ടുകൊണ്ട് പാർട്ടിയെ മുന്നിൽ നിന്ന് നയിച്ച് അധികാരത്തിലെത്തിച്ച നേതാവാണ് ഡി.കെ ശിവകുമാർ . ഇവിടെ ഈ വിജയത്തിൻറെ മുഖ്യശില്പി തഴയപ്പെട്ടാൽ  അത് കോൺഗ്രസ് നേതൃത്വത്തിന്റെ പരാജയമായിരിക്കും. ഇത്തരം പരാജയങ്ങളാണ് കോൺഗ്രസിനെ ഇന്നത്തെ അവസ്ഥയിൽ എത്തിച്ചിട്ടുള്ളതിൽ ഒരു മുഖ്യ കാരണം.

യുക്രെയിൻ പ്രസിഡൻറ്  വൊളോഡിമർ സെലൻസ്കി ഹീറോ അല്ല . ഒരു ജനതയെ കുരുതിക്ക് കൊടുത്ത് രാജ്യം നശിപ്പിച്ച വിഡ്ഢി യായിട്ടായിരിക്കും ചരിത്രം സെലൻസ്കിയെ രേഖപ്പെടുത്തുക. റഷ്യൻ അധിനിവേശത്തെ ചെറുത്തുനിൽക്കാൻ  പറ്റില്ല  എന്ന പൂർണ്ണമായ അറിവിലും അതിന് ശ്രമിക്കുന്നത്  ബുദ്ധിശൂന്യത മാത്രമാണ്.

പ്രതീക്ഷിക്കപ്പെട്ടതു പോലെ ലഹരിയുള്ള എല്‍ ഡി എഫിന്റെ മദ്യ നയം വന്നു. അതില്‍ പ്രതിഷേധിച്ച് വന്‍ പ്രക്ഷോഭം നടത്തുമെന്ന് പ്രതിപക്ഷനേതാവ്. പക്ഷേ സമരം തുടങ്ങുന്നതിനു മുന്‍പു തന്നെ ഷിബു ബേബിജോണ്‍ എല്‍ ഡി എഫ് മദ്യ നയത്തെ സ്വാഗതം ചെയ്തതോടെ  തുടങ്ങാനിരിക്കുന്ന സമരത്തിന്റെ ലഹരി ഏതാണ്ട് ചോര്‍ന്നു പോയിരിക്കുന്നു