എ.ഐ.എ.ഡി.എം.കെയിലെ ഇരുവിഭാഗങ്ങള് തമ്മിലുള്ള ലയനച്ചര്ച്ചകള് അവസാന ഘട്ടത്തിലേക്ക് കടന്നിരിക്കെ രണ്ടില ചിഹ്നത്തില് രണ്ടു കൂട്ടരും ഉന്നയിച്ച തര്ക്കത്തില് തീരുമാനമെടുക്കുന്നത് തെരഞ്ഞെടുപ്പ് കമ്മീഷന് നീട്ടിവെച്ചു. വിഷയത്തില് ബന്ധപ്പെട്ട രേഖകള് സമര്പ്പിക്കാനുള്ള സമയം ജൂണ് 16 വരെ കമ്മീഷന് നീട്ടിക്കൊടുത്തിട്ടുണ്ട്.
പന്നീര്സെല്വം വിഭാഗവുമായി ചര്ച്ച നടത്താന് മുഖ്യമന്ത്രി എടപ്പാടി കെ. പഴനിസ്വാമിയുടെ നേതൃത്വത്തിലുള്ള വിഭാഗം ഒരു സമിതിയെ നിയോഗിച്ചിട്ടുണ്ട്. എന്നാല്, പന്നീര്സെല്വം വിഭാഗം മുന്നോട്ടുവെച്ച ആവശ്യങ്ങളോട് മറുവിഭാഗം പരസ്യമായി പ്രതികരിച്ചിട്ടില്ല.