രാജ്യത്ത് വ്യാജ പാന് കാര്ഡുകളുടെ എണ്ണം വര്ധിച്ചുവരുന്ന സാഹചര്യത്തില് ഇത് തടയാന് ആധാര് അനിവാര്യമാണെന്ന് കേന്ദ്ര സര്ക്കാര് സുപ്രീം കോടതിയില് പറഞ്ഞു. ആധാര് സുരക്ഷിതമാണെന്നും അറ്റോര്ണ്ണി ജനറല് മുകുള് രോഹ്തഗി കോടതിയില് അവകാശപ്പെട്ടു.
പാന് കാര്ഡുകള്ക്ക് അപേക്ഷിക്കാനും ആദായനികുതി സമര്പ്പിക്കാനും ആധാര് നിര്ബന്ധമാക്കിയത് ചോദ്യം ചെയ്ത് സമര്പ്പിച്ച ഹര്ജിയില് വാദം കേള്ക്കുകയായിരുന്നു കോടതി. നിയമം മൂലം ആധാര് നിര്ബന്ധിതമാക്കാന് സര്ക്കാറിന് അധികാരമുണ്ടെന്നും രോഹ്തഗി വാദിച്ചു.