രാജസ്ഥാനിലെ ഉദയ്പൂരില് നിന്ന് 22.38 മെട്രിക് ടണ് മെതാക്വലോണ് (മാന്ഡ്രാക്സ്) ഗുളികകള് റവന്യൂ ഇന്റലിജന്സ് ഡയറക്ടറേറ്റ് (ഡി.ആര്.ഐ) പിടികൂടി. ബോളിവുഡിലെ ഒരു ചലച്ചിത്ര നിര്മ്മാതാവിനെ ഇതുമായി ബന്ധപ്പെട്ട് അറസ്റ്റ് ചെയ്തിട്ടുണ്ടെന്ന് അധികൃതര് അറിയിച്ചു.
ഏകദേശം 2 കോടി എണ്ണം വരുന്ന മാന്ഡ്രാക്സ് ഗുളികകള് നിറച്ച പെട്ടികളാണ് ഒരു രഹസ്യമുറിയില് നിന്ന് ഡി.ആര്.ഐ ഉദ്യോഗസ്ഥര് കണ്ടെടുത്തത്. അന്താരാഷ്ട്ര വിപണിയില് 3000 കോടിയിലധികം രൂപ വിലമതിക്കുന്നതാണ് ഈ നിരോധിത മരുന്ന്. അധികമായാല് മരണം തന്നെ സംഭവിച്ചേക്കാന് ഇടയുള്ളതാണ് മാന്ഡ്രാക്സ് ഗുളികകള്.