നരേന്ദ്ര മോദി രാജ്യത്തിന്റെ പ്രധാനമന്ത്രിയാണെന്നും ചക്രവര്‍ത്തി അല്ലെന്നും കോണ്‍ഗ്രസ് അദ്ധ്യക്ഷ സോണിയ ഗാന്ധിയുടെ വിമര്‍ശനം. എന്‍.ഡി.എ സര്‍ക്കാറിന്റെ രണ്ടാം വാര്‍ഷിക ആഘോഷങ്ങളേയും അവര്‍ വിമര്‍ശിച്ചു.

കര്‍ഷക വിരുദ്ധമായ നിയമം ഏകപക്ഷീയമായി അടിച്ചേല്‍പ്പിച്ചതിന് ശേഷം വിഷയത്തില്‍ സംവാദം നടത്താമെന്ന് നിര്‍ദ്ദേശിക്കുന്നത് സമവായ നിര്‍മ്മാണ ശ്രമങ്ങളെ പരിഹസിക്കുന്നതാണെന്ന് സോണിയ ഗാന്ധി.

നാഷണല്‍ ഹെറാള്‍ഡ്‌  പത്രത്തിന്റെ ഭൂമി അനധികൃതമായി തട്ടിയെടുത്തതായി ആരോപിക്കുന്ന കേസ് പുതിയ സര്‍ക്കാര്‍ നടത്തുന്ന രാഷ്ട്രീയ വേട്ടയാടലാണെന്ന് കോണ്‍ഗ്രസ് അദ്ധ്യക്ഷ സോണിയ ഗാന്ധി.

എല്ലാ പുരോഗമന മതേതര കക്ഷികളും യോജിച്ച് പാര്‍ലിമെന്റില്‍ ഐക്യ പ്രതിപക്ഷമായി പ്രവര്‍ത്തിക്കുമെന്ന പ്രതീക്ഷയും കോണ്‍ഗ്രസ് പാര്‍ലിമെന്ററി പാര്‍ട്ടി യോഗം പ്രകടിപ്പിച്ചു.

പാർട്ടിയുടെ പ്രസിഡന്റ് എന്ന നിലയിൽ തോൽവിയുടെ ഉത്തരവാദിത്തം താൻ ഏറ്റെടുക്കുന്നതായും പുതിയ സർക്കാർ രാജ്യത്തിന്റെ മതേതരത്വം കാത്തു സൂക്ഷിക്കുന്നതിനോട് സന്ധി ചെയ്യുമെന്ന് താന്‍ കരുതുന്നില്ലെന്നും സോണിയ.