ഡല്ഹിയില് സ്കൂള് വാന് തടഞ്ഞ് നിര്ത്തി ഡ്രൈവറെ ആക്രമിച്ച് ഒന്നാം ക്ലാസ് വിദ്യാര്ത്ഥിയെ രണ്ടംഗ സംഘം തട്ടിക്കൊണ്ടു പോയി. ഇന്ന് രാവിലെ എട്ട് മണിയോടെ ഷഹ്ദരയിലായിരുന്നു സംഭവം. കുട്ടികുമായി സ്കൂളിലേക്ക് പോവുകയായിരുന്ന വാന് ഷഹ്ദരയിലെ ഐ.ബി.എച്ച്.എസ് ആശുപത്രിക്ക് സമീപത്ത് വെച്ച് ബൈക്കിലെത്തിയ രണ്ട് പേര് തടഞ്ഞുനിര്ത്തി കുട്ടിയെ തട്ടിക്കൊണ്ട് പോവുകയായിരുന്നു.
ഇത് തടയാന് ശ്രമിച്ച വാന് ഡ്രൈവര്ക്ക് നേരെ അക്രമികള് വെടിയുതിര്ത്ത ശേഷം കുട്ടിയുമായി ബൈക്കില് രക്ഷപ്പെട്ടു. കറുത്ത നിറത്തിലുള്ള ബൈക്ക് ആയിരുന്നു അക്രമിസംഘം ഉപയോഗിച്ചതെന്നും യുപി ഭാഗത്തേക്കാണ് ഇവര് പോയതെന്നും ദൃക്സാക്ഷികള് പോലീസിനോട് പറഞ്ഞു. സംഭവത്തില് പോലീസ് എഫ്.ഐ.ആര് രജിസ്റ്റര് ചെയ്ത് അന്വേഷണം ആരംഭിച്ചു. പണമോ മറ്റെന്തെങ്കിലും ആവശ്യങ്ങളോ ഉന്നയിച്ച് ബന്ധുക്കള്ക്ക് ഇതുവരെ അക്രമി സംഘത്തിന്റെ ഭാഗത്ത് നിന്നും ഫോണ് സന്ദേശങ്ങളൊന്നും ലഭിച്ചിട്ടില്ലെന്ന് പോലീസ് വ്യക്തമാക്കി.
