എത്ര തുക തിരിച്ചെത്തിയെന്ന്‍ പറയാറായിട്ടില്ലെന്നും ഇതിന്റെ കണക്കെടുപ്പ് നടന്നു കൊണ്ടിരിക്കുകയാണെന്നും കേന്ദ്ര ബാങ്ക് പറഞ്ഞു. ഈ പ്രക്രിയ പൂര്‍ത്തിയാക്കി എത്രയും പെട്ടെന്ന് കൃത്യമായ വിവരം നല്‍കുമെന്ന് ബാങ്ക് പറയുന്നു.
നിലവിലുള്ള 500, 1000 രൂപയുടെ കറന്‍സി നോട്ടുകള്‍ നവംബര്‍ എട്ട് അര്‍ദ്ധരാത്രി മുതല്‍ പിന്‍വലിക്കുന്നതായി പ്രധാനമന്ത്രി നരേന്ദ്ര മോദി. കള്ളപ്പണവും കള്ളനോട്ടും വ്യാപിക്കുന്നത് തടയാന്‍ ലക്ഷ്യമിട്ടാണ് നീക്കമെന്ന് രാജ്യത്തോട് നടത്തിയ അഭിസംബോധനയില്‍ മോദി പറഞ്ഞു.
റിസര്‍വ് ബാങ്കിന്റെ പുതിയ ഗവര്‍ണര്‍ ആയി നിലവില്‍ ബാങ്ക് ഡെപ്യൂട്ടി ഗവര്‍ണര്‍ ആയ ഉര്‍ജിത് പട്ടേലിനെ നിയമിക്കാന്‍ കേന്ദ്രമന്ത്രിസഭയുടെ നിയമന കമ്മിറ്റി തീരുമാനിച്ചു. 53-കാരനായ പട്ടേല്‍ കേന്ദ്ര ബാങ്കിന്റെ ഇരുപത്തിനാലാമത്തെ ഗവര്‍ണര്‍ ആയിരിക്കും.
പലിശ നിരക്കുകളില്‍ മാറ്റമില്ലാതെ റിസര്‍വ് ബാങ്ക് വായ്പാ നയം പ്രഖ്യാപിച്ചു. അഞ്ച് വര്‍ഷത്തിനിടയിലെ ഏറ്റവും താഴ്ന്ന നിരക്കായ 6.50 ശതമാനമായി റിപോ നിരക്ക് തുടരും. കരുതല്‍ ധന അനുപാതവും നിലവിലെ നാല് ശതമാനമായി തുടരും.
ഒരു രൂപാ നോട്ടുകള്‍ വൈകാതെ പുറത്തിറക്കുമെന്ന് റിസര്‍വ് ബാങ്ക് അറിയിച്ചു. കേന്ദ്ര സര്‍ക്കാരായിരിക്കും നോട്ടുകള്‍ അച്ചടിക്കുക.
റിസര്‍വ് ബാങ്ക് വാണിജ്യ ബാങ്കുകള്‍ക്ക് നല്‍കുന്ന വായ്പയുടെ നിരക്കായ റിപ്പോ നിരക്കും റിസര്‍വ് ബാങ്കില്‍ വാണിജ്യബാങ്കുകള്‍ സൂക്ഷിക്കേണ്ട നിക്ഷേപത്തിന്റെ കരുതല്‍ ധന അനുപാതത്തിലും മാറ്റം വരുത്താതെ വായ്പാനയം പ്രഖ്യാപിച്ചു.
